Stjarnan - Körfubolti

Á föstudagskvöldið kl 19:15 hefst úrslitarimma Stjörnunnar og Njarðvíkur í 8 liða úrslitum IE deildarinnar.  Nú þurfa allir Garðbæingar að mæta og styðja strákana.  Sama hvort menn hafi áhuga á fótbota, handbolta, blaki eða körfu, nú ríður á að sameinast og hvetja STJÖRNUNA til sigurs.  Heyrst hefur að boðið verði uppá grillaða Stjörnuborgara frá kl 6 og um að gera að mæta með fjölskylduna, borða saman í rólegheitunum fyrir leik og öskra sig síðan hásan á leiknum.

Mynd: Kjartan Atli  bíður eftir úrslitum frá Akureyri eftir síðasta deildarleik 2008.  Ef Þór A hefði tapað sínum leik þá kæmist Stjarnan í úrslitakeppnina. En Þór vann og menn fóru snemma í sumarfrí.

Stjarnan og Njarðvík mætast í Ásgarði næstkomandi föstudagskvöld í úrslitakeppninni í körfubolta. Þetta er leikur 1 í einvíginu en fyrra liðið til að vinna 2 leiki kemst áfram í næstu umferð. Næsti leikur er síðan í Njarðvík næstkomandi mánudagskvöld.

Bæði lið eru mjög vel mönnuð og spá menn hörku einvígi.

Við verðum með Stjörnugrill fyrir leik og mælum við með því að fólk skelli sér í grillið og komi sér í rétta gírinn. Stjörnugrillið hefst klukkan 18:00 og er staðsett í anddyrinu á Ásgarði.

Við hvetjum allt Stjörnufólk að mæta á leikinn og styðja strákana áfram til sigurs!

Áfram Stjarnan!!!

Eins og fram kom hér í síðustu frétt þá eru mótherjar Stjörnunnar í 8 liða úrslitunum stórlið Njarðvíkur.  Nú hefur KKÍ gefið út leikdagana og verður fyrsti (eða fyrri) leikur liðanna föstudagskvöldið 26. mars kl 19:15 í Ásgarði.  Það lið sem fyrr vinnur 2 leiki tryggir sér sæti í undanúrslitum.  Leikur nr 2 sem fram fer í Njarðvík verður í beinni útsendingu á Stöð 2 sport.

Dagsetningarnar eru eftirfarandi:

Leikur 1 Stjarnan - Njarðvík,  Ásgarður, föstudaginn 26.mars kl 19:15

Leikur 2 Njarðvík - Stjarnan,  Ljónagryfjan, mánudaginn 29.mars kl 19:15

Oddaleikurinn, ef á þarf að halda, yrði fimmtudaginn 1. april í Ásgarði kl 19:15

Garðbæingar, takið þessa daga frá, nú fer fjörið að byrja!

Mynd: Fyrirliðinn og leikstjórnandinn á góðri stund

Áfram Stjarnan

Stjarnan tryggði sér 4.sætið í Iceland Express deildinni nú í kvöld með öruggum sigri gegn nágrönnum okkar í Breiðablik 109-86. Stjarnan mætir Njarðvík í 8.liða úrslitum og fer leikur 1 fram í Ásgarði föstudaginn 26 mars.

Það var aldrei spurning hvoru megin sigurinn myndi falla og áttu strákarnir fínan leik í kvöld. Allir lögðu vel í púkkið þar sem 5 leikmenn skoruðu 10 stig eða meira og tveir leikmenn settu 9 stig, þannig að stigaskorið dreifðist vel á milli manna. Mjög gaman var að sjá Ella og Haffa fá mínútur í kvöld og gerði Elli sér lítið fyrir og smellti einum góðum þrist frá miðbænum. Jovan var drjúgur með 19 stig, Justin 17 stig, 7 stoðsendingar og Djordje 15 stig, 10 fráköst. Óli kom sterkur inn af bekknum með 9 stig og 6 stoðsendingar. Birkir smellti niður þremur þribbum, Maggi skellti 13 stigum á töfluna og fyrirliðinn Fannar Helga lét ekki sitt eftir liggja og bætti 14 stigum í sarpið.

Mynd: Teitur mætir gömlu félögum í Njarðvík í 8.liða úrslitum.

Flottur sigur hjá strákunum í kvöld, menn voru að spila virkilega vel saman sem lið og tóku vel á því. Nú bíður okkar erfitt verkefni að mæta Njarðvík í 8 liða úrslitum og er algjör nauðsyn að fá allt Stjörnufólk í næsta leik í Ásgarð og styðja þannig vel við bakið á strákunum.

Nánar um úrslitakeppnina síðar;

Áfram Stjarnan!!!